"Nire enpresan KUDEAKETAGINTZAN" klik eginda, zure enpresan Kudeaketagintza ulertzeko dugun moduaren inguruko gure ikuspegia azalduko dizugu, eta zure gogoetarako deskargatu ahal izango duzu.
Baina aurretik gu hobeto ezagutu nahi bagaituzu, joan zaitez webgunera, eta ekingo diozu berriro aurrerago.
Dokumentu hau erabiliko baduzu beste pertsona batzuei erakusteko edo haiekin lantzeko, zure enpresaren izena adieraz dezakezu hemen, eta dosier pertsonalizatu bat lortuko duzu.
Zure enpresaren izena
Eta ez baduzu zure enpresaren izena adierazi nahi, hala ere lor ditzakezu zure enpresan Kudeaketagintzarako giltzarriak.
945 465 469 
amasg@amasg.com Zure errealitatera gerturatzen saiatu gara, jakin dezazun nola lagundu diezazukegun. Hona hemen gu eta gure ikuspegia ezagutzeko aukera.
A+g osatzen dugun profesionalok kooperatiba gisa eratzea erabaki genuen. Kooperatibismotik hartu genituen gure printzipio eta laneko zein giza baloreak eta, batez ere, ideia hau: guztion erantzukizuna dela aberastasuna sortzea eta hura modu justuan banatu behar dela sortu dugunon artean. Uste dugu kooperatiba izatea forma juridiko bat baino gehiago dela. Zuen kolektiboaren (Lan Komunitate Ekonomiko eta Soziala) asmo ebolutiboari buruz hausnartzen, hura partekatzen, eta hari zentzua ematen lagunduko dizuegu, eta integratu egingo gara zuzendaritza-talde sozial eta exekutiboaren lanari babesa emanez.
Gizarte Ekonomiaren errealitatearekin bat gatoz. Langileek osatutako sozietate oinarri bat baduzue, zuen jarduera profesionalizatzen lagundu diezazuekegu, enpresa-garapena eta garapen soziala modu orekatuan gauzatu daitezen, elkarrekin hausnartuz eta tresna erraz eta eraginkorren babesarekin, erabakiak hartzeko behar beste informazio egon dadin.
ETEek EAEko enpresa-ehunaren % 85 eta enpleguaren % 90 osatzen dugu, eta ingurune oso profesionalizatuetan lan egitera behartuta gaude, gestioa ere profesionalizatuta. A+g aholkularitzak 20 urtetik gorako esperientzia du ETEen eta mikroETEen kudeaketan, eta enpresa bakoitzaren berariazko beharren araberako sistemak erabiltzen ditu.
"Irabazi asmorik gabeko" helburu soziala izan arren, aberastasuna sortu behar da ezinbestean, eta erabilitako baliabideak eta lortu nahi diren emaitzak modu orekatuan kudeatu behar dira. Sektore soziala, irakaskuntza, zerbitzu publikoak... sartuko lirateke talde honetan. KUDEAKETAGINTZA, ardura hartzea eta aurrerapausoak egitea eraginkortasunerantz da, lehentasunezko helburu bat betetzen jarraitzeko: interes-taldeei zerbitzua ematea.
KUDEAKETAGINTZAN adituak gara eta, horregatik, hainbat eragileri (udalak, ekonomia sustatzeko sailak, etab.) prestakuntza edota laguntza eskaintzeko proiektuak abiatzen ditugunean, gure esperientzia praktikoa eta sektore orotako ETEetan bizi izandakoa hartzen ditugu oinarri. Gure hizkera eta LANGINTZA, kolektibo bakoitzak kudeaketan duen esperientziara egokitzen ditugu.
Proiektu berri bat baldin baduzu baina oraindik ez baduzu argi zer forma juridiko eman, ez kezkatu. Ziur asko aipatu izanen dizkizute forma horietako batzuk (SM, SZ, etab.) eta agian beste batzuk ezezagunagoak egingo zaizkizu. Bideratu zaitzakegu, batzuen eta besteen artean zer alde dauden azalduta, eta, xehetasun gehiago nahi badituzu, informazio gehiago emango dizun jendea (erakunde publikoak edo pribatuak, zerga eta lan arloko aholkulariak, etab.) ezagutzen lagundu diezazukegu. Nolanahi ere, zure proiektuan hartu beharko duzun erabaki ugarietako bat baino ez da izango forma juridikoa aukeratzea, eta irizpide nahikorekin erabakitzeko, aldez aurretik hausnartzea komeni zaizu: zer helburu duen zuen proiektuak, zer den proiektuaren bultzatzaileak batzen zaituztena, edo zein diren abiatu duzuen negozioereduaren giltzarriak. Hori guztia argi izan ondoren, forma juridikoa aukeratzea izango da ziur asko errazen hartuko duzuen erabakietako bat.
Industria arloko KUDEAKETAGINTZAK berekin dakar bezero oso zorrotz eta profesionalekin eta nazioarteko enpresen testuinguruetan lan egitea. Inbertsioak egin eta behar bezala finantzatzeko erabakiak hartzea, produkzio-prozesuak kudeatzea, ERPtik informazio garrantzitsua lortzea, entregatzeko epeak kudeatzea, erantzuteko prozedurak bezeroei egokitzea, hornitzaileen jarraipena egitea, stockak eta diruzaintza kudeatzea... Ekintza horiek guztiek badute nolabaiteko arriskua, baina litekeena eta beharrezkoa da arrisku horri mugak jartzea erabakiak hartzeko garaian. Erabaki eremu (estrategia, gerentzia, merkataritza, ekoizpena, garapena, finantzak) guztien arteko integrazioa bermatuko duen informazio-sistema on bat eraikitzea lagungarria da eraginkortasuna hobetzeko, jakinik gakoa ez dela sistema bera, ohiturak sistemari eta sistema negozioaren eta enpresaren berezitasunei egokitzea baizik. Berrikuntzarako programak eta aukerak ezagutzen ditugu eta eguneratuta gaude: ez da beharrezkoa enpresa handi bat izatea IKT inguruneetan, 4.0 industrian etab. parte hartzeko.
Ingeniaritza eta IKTetako proiektuen kudeaketa desberdina da bezeroen neurrira egindako garapenak edo soluzio propioak direnean. Kasu bakoitzeko proiektuak kudeatzeko modua eta estrategia baten eta bestearen inplikazioak desberdinak dira baina, nolanahi ere, jakintzan oinarritutako antolakuntzaz hitz egingo dugu bi kasuetan. Espezialista-taldea fidelizatzeko erabateko ikuspegia partekatu behar da eta profesionalki ilusioa sortzen duten erronkak bizirik mantendu behar dira. Errentagarritasun ekonomikoa beharrezkoa da irauteko eta garatzeko eta, horretarako, funtsezkoa da proiektuak kudeatzeko sistematikak garatzea. Orduen eta gastuen plangintza egiteko ohitura hartzea eta proiektuen aurrerapausoen jarraipena egiteko eta marjinak neurtzeko sistemak ezartzea, jakinda zein den errealitatea: proiektu bakoitza desberdina dela eta aldaketa dela konstante bakarra, funtsezko beste premisetako bat. Errealitate hori kudeatuta ikasi ahalko dugu proiektu bakoitzetik eta hobeto prestatuta egongo gara hurrengo proiektuei ekiteko.
Funtsezkoa da hartzaileei erakargarri egingo zaien balio-proposamen bat lantzea. Eta garrantzitsua da baita ere marjinak kudeatzea azalera handiek garrantzi handia hartu duten inguruneetan, lokal fisikoko salmenta-estrategia sare sozialekin eta merkataritza elektronikoarekin bateratzea, barne-antolakuntza zaintzea, stockak zentzuz kudeatzea eta behar bezala dimentsionatzea, edo zirkulantearen zikloaren finantzaketa optimizatzea urtarokotasunaren baitan, besteak beste. Guztiak funtsezko jarduerak dira zurea bezalako enpresa baten iraupena bermatzeko. Esperientzia dugu merkataritzaren eta banaketaren sektoreko jardueren kudeaketan, txikizkari nahiz handizkari, eta uste dugu profesionalizatzea inoiz baino garrantzitsuagoa dela ingurune berrietan.
Gure inguruneko edozein sektoretan, ETEak gehiengo diren ingurune batean, beharrezkoa da gauzak beste era batean egitea tradizioan sakon errotutako oinarri baten sendotasunetik abiatuta, baina hori bereziki garrantzitsua da lehen sektoreari buruz hitz egiten dugunean. Baserria, beste gauza batzuen artean, produkzio-unitate bat izan da betidanik, eta hala izaten jarraitzen du. Hortaz, gaur egungo "baserrian" beste edozein erakundetan bezain garrantzitsua da KUDEAKETAGINTZA. “Betiko” produktuak egiteko azken belaunaldiko teknologiak erabiltzen dituzten produkzio-prozesuak, meteorologiarekiko mendekotasun handiarekin, gaur egungo beharretara egokituta, baina moden gainetik, ingurune globalizatuetan, industria handiekin lehian eta banatzaile handiei aurre eginez, etengabe aldatzen eta eboluzionatzen ari diren kontsumo-ereduekin; horiek guztiak handiak dira, eta, horregatik, funtsezkoa da gestioa profesionalizatzea.
Bezeroentzat berdingabea izango den esperientzia bat diseinatzea eta ukiezin baten balio-proposamena behar bezala ezagutzera ematea erronka handia da pertsonei nahiz enpresei zuzendutako zerbitzuak eskaintzen ditugun enpresetarako. Bezeroen beharrak aztertu eta sakonki ezagutzea eta haiei aintzat hartzen dutena eskaintzea, horretan datza gure garapenaren gakoa. Hainbat sektoretako zerbitzuetan lan egiten duten enpresa ugarirekin lan egin izan dugu eta, gure esperientzian oinarrituta, uste dugu proiektuen araberako kudeaketari beti ez zaiola ematen merezi duen garrantzia, ez eta orduaren marjina zaintzeari eta bezeroak asebetetzeko modu berriak bilatzeari ere lehiakideak ugaritzen eta aurrerapausoak ematen ari diren inguruneetan.
Pedagogiaren eta hezkuntzaren arloko adierazleak oso zorrotzak dira eta, horregatik, kudeaketan jarri behar da arreta. Kontuan hartuta jaiotza-tasa gero eta baxuagoa dela, eta metodologia berriak, teknologia berritzaileak eta espazio berriak indar biziz sartzen ari direla, hainbat elementu kudeatu eta hainbat erabaki hartu behar dira. Erakunde batek ongi funtzionatzeko eta iraunkorra izateko, gogoan izan behar dugu ekonomia- eta finantza-adierazleak ere garrantzitsuak direla. Sektorearen eta, batez ere, erakundearen berariazko beharretara egokitutako informazio-sistema bat garatzea funtsezkoa da, bai erabaki estrategikoak eta operatiboak hartzeko, bai horren garrantzitsua den barne- eta kanpo-komunikaziorako.
Proiektuak behar bezala kudeatzea bezeroarekin eskaintza egiten den unetik bertatik hasita, soluzioen diseinua, gauzatzea, jarraipena, itxiera eta marjinen kontrola barnean hartuta. Hornitzaileekin eta azpikontratistekin baldintza egokiak kudeatu, negoziatu eta ixtea. Diruzaintza-zikloa kontrolatzea eta finantzen arloan soluzio egokiak bilatzea. Gure taldearekin gauzatu arren, batzuetan kanpoko langileak erabili behar izan ditugun proiektuetan bezeroa asebetetzen saiatzea, kontrolpean izanez beti lanak behar bezala egiten direla. Betiere kalitatea, segurtasuna eta araudia betetzen dela bermatuz. KUDEAKETAGINTZAN, baliabideak eskaini behar dira egunerokotasunaren parte diren jarduera horiek guztiak errazteko eta, aldi berean, etorkizuneko garapen estrategikoa ere kontuan izan behar da.
Gure ustez, aberastasuna sortzea ekonomiaren arlotik haratago doan zerbait da eta, horregatik, aberastasun soziala ere sortu nahi dugu. Hirugarren sektorearen balioekin konektatzen dugu eta badakigu sektore horretako jarduerak (esku-hartze soziala, bazterketa arriskuan dauden pertsonei laguntzea, ingurumen-jarduerak, gizarteratzeko enpresak eta enplegu zentro bereziak) kudeatzea konplexua dela. Erakunde horietan lan egiten duten profesionalek adi egon behar dute gizarte-berrikuntzako jarduerei, dituzten baliabide urriak modu eraginkorrean kudeatzen dituzten bitartean. Kudeaketa-lanak sinplifikatuko dituzten metodoak eta tresnak erabiltzea lagungarria da erakundearen iraunkortasuna areagotzeko eta gizartean eragiteko ahalmena biderkatzeko.
Ideia bat duzu, ideia on bat, eta hartan sinesten duzu. Baina jada esan izango dizute ideia on bat eta negozio bat ez direla gauza bera. Ziur asko jada jarri izango zara harremanetan zure negozio-ideiari forma ematen doan lagundu diezazukeen erakunderen batekin (udalak, unibertsitateak, garapen agentziak, merkataritza-ganberak, azeleragailuak, etb.).. Baina ez baduzu halakorik egin, deitu diezagukezu, eta lagunduko dizugu. A+g erakunde horietako batzuekin elkarlanean aritzen da, zenbait programaren bidez, eta zure ideia enpresa bat dela pentsatuz egiten dugu hori beti; zure ideia negozio bat dela pentsatzen dugu, eta beharrezkotzat ikusten dugu hasieratik KUDEAKETAGINTZA.
Ekin diozu jada, ziur asko hamaika aldiz azaldu duzu zure ideia eta enpresa-plan bat erabili duzu ekintzailetza eta sustapen inguruneetan (inkubagailuak, BICak, enpresa-haztegiak, etab.) egon zarenean. Iritsi da hurrengo urratsa emateko unea: merkatura irten, enpresari alta eman, katalogoa (produktu-zerbitzuak, prezioak...) zehaztu, saltzera irten, bezeroentzako eskaintzak prestatu, fakturatu, diruzaintza kudeatu, finantzaketa lortu... Eta agian, lehen urratsak eman ostean, amestu zenuena ez den errealitate batean egongo zara, eta birpentsatzeko unea iritsi da. Inork ez zintuen prestatu honetarako eta, gainera, nahiago zenuke dagokizunean jardun eta KUDEAKETAGINTZARAKO denbora gutxiago behar izatea. Gure esperientzia lagungarri izan dakizuke, lehen urratsen ostean negozio-eredua berrikusten eta jarduera guztiak sinplifikatzen lagundu diezazukegu eta.
Behingoz iritsi zaizue aukera on bat, eta badirudi proiektua dimentsio berri batera iritsiko dela. Litekeena da taldea eta instalazioak berriro dimentsionatu behar izatea, eta plan on bat egin behar izatea itzulkin aurreikusiak, egindako inbertsioekiko egokiak izango direla bermatzeko. Ekoizpenerako bitartekoetan egindako inbertsioak ez ezik, zirkulatzailea ere finantzatu behar da (stockak biderkatzen dira, bai eta egiten ari den lan kopurua eta bezero kopurua ere). Une egokia da kudeaketan inbertitzeko, garatzeaz gain jarduera profesionalizatzeko, eta, batez ere, hazkuntza eta gizentzea, bereizita kudeatzeko. Barne-koordinazio on bat izaten laguntzera gatoz; plangintza eta jarraipena egiten laguntzera eta erabaki egokiak hartzeko beharrezkoak diren organoak eta informazioa dauzkagula bermatzera.
Negozioa behar bezala kudeatu da eta, horri esker, enpresa dagoen lekuan dago orain. Baina enpresa lehiakideak ere mugitzen ari dira eta aire berriak datoz. Honako hau da gakoa: ulertzea helduak ez direla merkatuak, jokabideak baizik. Etorkizunera begira, ez dago argi lehiakorrak izaten jarrai ote daitekeen aldaketa handirik egin gabe. Badakigu merkatuan hainbat erronka ditugula, hala nola digitalizazioa edo nazioartekotzea. Agian une egokia da pentsatzeko nola berrasmatu dezakegun gure burua, eta prestatzeko etorkizunean erakargarri izaten jarraitzeko. Heldutasunean, KUDEAKETAGINTZAN jardunez gero, hazkundea garapen, eboluzio eta berrikuntza bihur daiteke, eta funtsezkoa da urrats hori erakunde guztiaren inplikazioarekin ematea; izan ere, lehen oztopoak barrutik etortzen dira, baina baita bultzagarri nagusiak ere, baldin eta barne ingurunea lagungarria bada.
Bizidun guztiek berezko dituzte zikloak, eta, beraz, baita enpresen jarduerak ere. Baina baldintza ekonomiko eta/edo sektorialen aurrean malgutasun edo egokitzeko gaitasun txikia dugunean arazoak agertzen dira. Krisiak datozenean, funtsezkoa da erakunde guztien baitan dagoen adimena, era horretan erabakiak hartzeko krisi-egoerari eutsi eta etorkizuneko oinarriak berriro ezartzeko (merkatu berriak, jarduera berriak, jarduera neurri batean desegitea, etab.). Egoera horretan KUDEAKETAGINTZARAKO, estrategia zenbakitan jarri edo estrategiaren zenbakiak egin behar dira oso bizkor, denbora eta inertziak aurka ditugulako, eta diruzaintza eta marjinak are zorrotzago zainduz eta kudeatuz.
Errentagarritasun estandarra objetiboki eurotan neurtzen da hemen, baina uste dugu errentagarritasunaren kontzeptua askoz zabalagoa dela, eta aldagai kualitatiboak ere hartu behar direla kontuan, lehiakortasunaren ikuspuntutik eta maila pertsonalean. Dena den, funtsezkoa da merkatuan eskaintzen diren produktuen edo zerbitzuen ekarpen-marjinak ezagutzea, negozioaren gaur egungo eta etorkizuneko iraunkortasuna bermatuko duen prezioen politika bat finkatu ahal izateko. Analisi hori benetan eskainitako balio proposamenaren eta merkatuak horren inguruan duen pertzepzioaren inguruko hausnarketarekin batera egin behar da. Gaur egungo marjinak balioztatzeko funtsezkoa da negozioaren gaur egungo giltzarriak ezagutzea, baina betiere etorkizuneko giltzarriei begira, haietara iristen garenean merkatua ez dadin berriro heldua izan.
Planak, proiektuak eta jarduerak eurotara itzultzeko simulazio tresnak eta ereduak garatuz, une eta egoera bakoitzeko marjinak ezagutu ditzakegu, eta jakin dezakegu norantz joango garen hartzen ditugun erabakien arabera: erabaki estrategikoak, merkatuarenak, produktuarenak, ekonomikoak edo eta finantzarioak. Gainera, negozioari koherentzia emango diogu estrategiarekin.
Salmentarik gabe ez dago lanik ekoizpen arlorako eta, gerora, ezta gainontzeko arloetarako ere. Badakigu oso garrantzitsua dela saltzea eta, gainera, ez dela batere erraza. Merkataritza arloaren eraginkortasuna hobetu nahi badugu, tresnaz hornitu beharko dugu: balio-proposamen zehaztu bat, behar bezala bideratutako komunikazioa, kostuen eta prezioen kalkulu zehatzak, merkataritza-taldearen jarraipena eta koordinazioa...
Zuen taldeari babesa ematen badiogu zuen errealitatera, merkatura eta saltzeko modura egokitutako tresnekin eta jardunbideekin, era horretan bultzada emanez salmenta-prozesuari, zuen enpresaren irauteko eta garatzeko ahalmena zuzenean hobetzen ariko gara.
Ziur gaude uste duzuna baino gehiago dakizula kudeaketaz, beste gauza batzuen artean seguru asko erabakiak hartzen ariko zarelako. Eta seinale ona da zuk gehiago jakin nahi izatea: esan nahi du jabetzen zarela duzun arduraz eta ahal den hoberen bete nahi duzula. Baina bizikletan ibiltzen liburuak irakurriz ikasi ezin den bezalaxe, KUDEAKETA EGINEZ ikasten da kudeatzen.
Zuri eta zure taldeari lagungarri izango zaizue talde bat izatea ondoan, ikaskuntza-prozesua elkarrekin bizitzeko, abiatu duzun horretatik hasita, ohitura, jardunbide eta tresna egokiekin aurrera egin eta, horrela, erabakiak hartzeko esperientzia eta eskarmentua lortzeko.
Negozio bakoitzak, enpresa bakoitzak, hainbat aukera planteatzen ditu erabakiak hartzeko garaian. Eszenatoki konplexu horiek sinplifikatu egiten dira emaitzetara eta errentagarritasunera bihurtzen ditugunean (nazioartekotu, negozio-unitateak dibertsifikatu...). Erabakiak hartzeko funtsezkoa da zenbakiak estrategian integratzea, baina askotan hori gutxietsi egiten da, eta baita ahaztu ere. Ez da operatiboa estrategia egitea zenbakirik gabe, eta ezta zenbakiek estrategiarik ez izatea ere.
Errentagarritasuna ez da kapitalaren ikuspuntutik soilik ikusi behar, proiektuaren etorkizuneko iraunkortasunaren oinarri ere bada. Eta horrexegatik, eguneroko erabakiak enpresaren estrategian integratzen dituzten tresnen bitartez aukerak eurotara bihurtzen direnean, nabarmen murrizten da era horretako erabakiek berekin dakarten arriskua.
Enpresa batean belaunaldi-aldaketa egitea ez da erraza. Hainbat urtez enpresaren buruan egon denak beste batzuei utzi behar die erabakiak hartzen. Eta belaunaldi berriak etorkizun berri bat eraikitzeko erronkari ekin behar dio, estilo propioarekin. Trantsizio prozesuan, normala da batzuek eta besteek ikuspegi desberdinak izatea une batzuetan. Izan ere, trantsizioa etengabeko aldaketen testuinguru batean gertatzen da beti (bezeroak, hornitzaileak, proiektuak, teknologiak...), eta bi belaunaldiek batera aritu beharko dute denbora tarte batean.
Ikuspegi objektiboa eta independentea izatea lagungarria da konplexutasun hori guztia kudeatzeko, aldaketa mamituz joan dadin egunez egun. Aldi berean, taldean esperientzia profesionala duten kideak egotea oinarri sendo bat da erabakiak hartzeko, belaunaldi berriak kudeaketan gero eta autonomia handiagoa lortzen duen bitartean.
Erakundeak konplexuak dira. Guztioi gustatuko litzaiguke arinago eta informazio ordenatuarekin funtzionatzea, aldaketaz eta gorabeheraz betetako egunerokotasunari inprobisatuz aurre egiteko. Agian saiatu izango zara taldearekin hitz egiten, prozesuak berriro diseinatzen, informazio-sistema hobetzen... baina aldaketak kosta egiten dira eta, gainera, eguneroko zereginek oztopatu egiten duten dedikazio minimo bat eskatzen dute.
Erakundean ohitura hobeak sendotzeko, lagungarria da erabateko ikuspegia duen norbait izatea; jardunbide egokietan esperientzia eta ideiak dituen norbait, eta, bereziki, erakundean bene-benetan barneratuko diren aldaketak eta hobekuntzak nola ezar daitezkeen ikusteko gaitasuna duena eta prozesua zuekin batera biziko duena, egunerokotasunean negatiboki eragin gabe.
Negozio bakoitzak, enpresa bakoitzak, hainbat aukera planteatzen ditu erabakiak hartzeko garaian. Eszenatoki konplexu horiek sinplifikatu egiten dira emaitzetara eta errentagarritasunera bihurtzen ditugunean (nazioartekotu, negozio-unitateak dibertsifikatu...). Erabakiak hartzeko funtsezkoa da zenbakiak estrategian integratzea, baina askotan hori gutxietsi egiten da, eta baita ahaztu ere. Ez da operatiboa estrategia egitea zenbakirik gabe, eta ezta zenbakiek estrategiarik ez izatea ere.
Errentagarritasuna ez da kapitalaren ikuspuntutik soilik ikusi behar, proiektuaren etorkizuneko iraunkortasunaren oinarri ere bada. Eta horrexegatik, eguneroko erabakiak enpresaren estrategian integratzen dituzten tresnen bitartez aukerak eurotara bihurtzen direnean, nabarmen murrizten da era horretako erabakiek berekin dakarten arriskua.
Taldeak gogo bizia badu eta konprometituta badago erakundeak hobeto egingo du aurrera, bere helburuak (pertsonalak, profesionalak nahiz enpresarenak) betetzeko. Erakunde askok hala bizi duten arren, gehienok sentitzen dugu asko hobetu genezakeela arlo horretan. Taldearen psikologia ulertzea, denbora kudeatzea, pertsona bakoitza aintzat hartzea, edo konfiantza, gardentasun eta ekitatezko ingurune bat sortzea, horiexek dira giltzarrietako batzuk.
Abiapuntu egokia litzateke honako hau ulertzea: gure aberastasunik handiena dela gure heterogeneotasunetik jaiotzen den konplexutasuna. Barne informazio eta komunikaziorako sistema bat eta erlazionatzeko eta antolatzeko modu berriak eraikitzen hasiko gara. Denbora inbertsio handia egin behar da, baina itzulkina maximoa da, zoriontasunean neurtzen baita.
Mundua aldatzen ari da, eta zure enpresa ere bai. Guztiok ideia asko dabilzkigu buruan bueltaka eta beharrezkoa da talde gisa zentratuta egotea, argi izatea zer egingo dugun eta lehentasunak ezartzea dauden baliabideen arabera. Nahi dugun biharraren ikuspegia partekatzea eta gaur hastea hura eraikitzen, ez baitugu ahaztu behar KUDEAKETAGINTZA dela gaur erabakiak hartzea nahi dugun etorkizuna sortzen saiatzeko. Adi egotea, pentsatzen ari garen bitartean munduak aldatzen jarraitzen duelako.
3 edo 5 urteko plan estrategikoak lagungarri zaizkigu gelditu eta hausnartzeko, baina beti ez dugu gelditzeko aukerarik, eta plan estrategikoak berehala zaharkitzen dira. Beraz, posible al da estrategia modu dinamikoan kudeatzea? Eta etorkizuneko giltzarriak erraz eguneratzen den orri bakar batean definitzea? Bai, egin daiteke, eta erabakiak hartzen ditugunean orri hori buruan badaukagu etorkizuna eraikitzen hasiko gara gaur bertan, estrategia eginez egunez egun.
Pentsatu ohi dugu diruzaintza kudeatzea dela banketxean gaur egun zer saldo dugun jakitea edo, gehienera jota, datozen 7 egunetan zer saldo izango dugun jakitea. Baina diruzaintza kudeatzen ez bada enpresa errentagarri bat kolapsatu daiteke espero izan gabe, eta marjinak murriztu badira, aurrea hartu ez bada eta ez bada diruzaintza kudeatu, ondorioak oso txarrak eta konpontzeko zailak izan daitezke; nolanahi ere, egon daiteke konponbidea.
Tresna oso sinpleen laguntzarekin eta ohitura apur batekin, aurrea hartu, birnegoziatu eta gure finantza-kostuak nabarmen jaisteko gai izan gaitezke baita krisi-egoeretan ere, eta horrela, inbertsioekin erlazionatutako erabakiak eta finantziazio bilaketa erraztuko dira; ondorioz, enpresaren errentagarritasuna hobetuko da, administrazioaz eta diruzaintzaz arduratzen direnen bizi-kalitatea hobetuko da, eta enpresaren erabaki operatibo eta estrategikoetako batzuek berekin dakarten arriskua murriztuko da.
Gure ingurunea gero eta zorrotzagoa da arauei eta erregulazioei dagokienez (ISO arauak, Kudeaketa Eredu Aurreratuak, Compliance Penala, etab.) eta, ondorioz, gero eta denbora gehiago igaro behar da burokrazia-zereginetan. Noski, ETEak ez gara joera horretatik kanpo gelditzen. Sustatzaileak beti ez dira erakunde publikoak; izan ere, multinazionalek ere kudeaketa- eta kontrol-sistema gero eta konplexuagoak garatu dituzte, haien hornitzaileei ere gauza bera eskatzen hasi dira, eta, azkenean, horrek guztiak eragina du enpresa txikietan. Sistema eta arau horien helburua da kudeaketaren kalitatea hobetzea eta eraginkortasuna areagotzea, baina haien konplexutasunak paradoxa bat eragiten du sarritan, hautematen dena aurkakoa baita.
Kudeaketa-sistema arin bat sortzen bada, tresna sinpleak dituena, erabilgarriak egunerokotasunean eta dinamikoak erabakiak hartzeko, erabateko ikuspegi batetik diseinatuak eta integratuak, eta ohitura pixka bat hartuz gero, "araua" betetzeaz gain, oinarrizkoa eta funtsezkoa den zerbait bete daiteke: gaur egungo eta etorkizuneko arriskuaren kudeaketaren eta errentagarritasunaren arteko oreka. Eta hori guztia sistema paraleloak sortu eta lana bikoiztu gabe.
Negozio bakoitzak, enpresa bakoitzak, hainbat aukera planteatzen ditu erabakiak hartzeko garaian. Eszenatoki konplexu horiek sinplifikatu egiten dira emaitzetara eta errentagarritasunera bihurtzen ditugunean (nazioartekotu, negozio-unitateak dibertsifikatu...). Erabakiak hartzeko funtsezkoa da zenbakiak estrategian integratzea, baina askotan hori gutxietsi egiten da, eta baita ahaztu ere. Ez da operatiboa estrategia egitea zenbakirik gabe, eta ezta zenbakiek estrategiarik ez izatea ere.
Errentagarritasuna ez da kapitalaren ikuspuntutik soilik ikusi behar, proiektuaren etorkizuneko iraunkortasunaren oinarri ere bada. Eta horrexegatik, eguneroko erabakiak enpresaren estrategian integratzen dituzten tresnen bitartez aukerak eurotara bihurtzen direnean, nabarmen murrizten da era horretako erabakiek berekin dakarten arriskua.
Lotura oso berezia dugu Gipuzkoarekin, alde batetik gure taldekideetako batzuk bertakoak direlako eta han bizi direlako, eta bestetik Gipuzkoako enpresa askok jaso dutelako gure laguntza. Deba Garaia, Eibar, Tolosa, Getaria, Irun eta abarretako enpresek, hain zuzen.
Gure konpromisoa da zure enpresaren parte izatea, eta horrek esan nahi du bertan egon behar dugula, enpresako taldean barneratuta. Gure gaitasunak osorik mantentzeko eta egunero etxera itzuli ahal izateko, gure bezero gehienak gehienez ere 2 ordura egoten dira autoz. Baina gure bezero gehienek mundu osoan saltzen eta erosten dute eta, noski, gu ere haiekin ibiltzen gara. Gure bezeroekin batera azoketara joan, bezeroei produktuak aurkeztu, edo banatzaileak bilatzen ditugu behar diren lekuan (Madril, Bartzelona, Paris, Cahors, Toulouse, Stuttgart, Erroma, etab.).
Urteak daramatzagu Bizkaiko enpresekin eta ekintzaileekin lan egiten. Ia egunero joaten gara Bilbo Handira, bai eta Karrantza, Getxo, Busturia, Zalla edo Durangora ere.
Araba da gure lurraldea. Gure taldekide batzuk Gasteizen edo inguruetan bizi dira, eta gure egoitza soziala Legutio-Goiainen dago, hemen bertan. Gasteiz, Miñano, Jundiz, Betoño,... horixe da gure lan egiteko ingurune naturala, bai eta Laudio o Laguardia ere. Araban azkeneko urteetan sortu diren enpresetako askok ezagutzen gaituzte, eta esan diezazukete nola lan egiten dugun.
Iruñean eta Logroñon lan egiteko ohitura ere badugu, ordubete baino gutxiagora gaude eta. Enpresak kudeatu izan ditugu hainbat urtez Zangozan, Tuteran edo Untzuen.
Iruñean eta Logroñon lan egiteko ohitura ere badugu, ordubete baino gutxiagora gaude eta. Enpresak kudeatu izan ditugu hainbat urtez Zangozan, Tuteran edo Untzuen.
Gure konpromisoa da zure enpresaren parte izatea, eta horrek esan nahi du bertan egon behar dugula, enpresako taldean barneratuta. Gure gaitasunak osorik mantentzeko eta egunero etxera itzuli ahal izateko, gure bezero gehienak gehienez ere 2 ordura egoten dira autoz. Baina gure bezero gehienek mundu osoan saltzen eta erosten dute eta, noski, gu ere haiekin ibiltzen gara. Gure bezeroekin batera azoketara joan, bezeroei produktuak aurkeztu, edo banatzaileak bilatzen ditugu behar diren lekuan (Madril, Bartzelona, Paris, Cahors, Toulouse, Stuttgart, Erroma, etab.).
Location Gure konpromisoa da zure enpresaren parte izatea, eta horrek esan nahi du bertan egon behar dugula, enpresako taldean barneratuta. Gure gaitasunak osorik mantentzeko eta egunero etxera itzuli ahal izateko, gure bezero gehienak gehienez ere 2 ordura egoten dira autoz. Baina gure bezero gehienek mundu osoan saltzen eta erosten dute eta, noski, gu ere haiekin ibiltzen gara. Gure bezeroekin batera azoketara joan, bezeroei produktuak aurkeztu, edo banatzaileak bilatzen ditugu behar diren lekuan (Madril, Bartzelona, Paris, Cahors, Toulouse, Stuttgart, Erroma, etab.).
Litekeena da zuek hobekuntzak egin nahi izatea dosier honetan jaso ditugun alderdietako batzuetan, baina egunerokotasunak zaildu egiten du aurrera egitea.
A+g zure taldearekin nahas daiteke ekarpen hauek egiteko:
Arreta dagokizunean jarri ahal izan dezazun,
zure enpresaren kudeaketari aurrera egiten laguntzen diogun bitartean.
Gorde hausnarketa hau lasaiago irakurri ahal izateko eta, gurekin hitz egiten jarraitu nahi baduzu, JARRI GUREKIN HARREMANETAN inolako konpromisorik gabe: enpresa bakoitza BERDINGABEA da, eta BERDINGABEA da bita ere proiektu bakoitzean Kudeaketagintza era.
Atsegin handiz hitz egingo dugu zurekin eta zehatzago aztertuko dugu zure negozioaren egoera.
DESKARGATU
San Blas, 11 · Pab B · 1º izq · P.I. Goiain 01170 Legutio · Araba/Álava 
www.amasg.com
amasg@amasg.com
945 465 469